Jism-o-Roh !!

Discussion in 'Chit Chat' started by momii, Sep 16, 2006.

  1. momii New Member


  2. dua.khan New Member

    reallly nice sharing omar.........i like the beginin soo much,,,
    ROH AND JISAM AIK DOOSARY KI ZID HIEN.....
    [IMG]

  3. sarah_s New Member

    [IMG] sum one pweez translate for me...plzzzzzzzzzzzz

  4. sarah_s New Member

    mujhay kafi samajh tou aagai hai lekin phir bhi if sumone has time tou translate kerdein plz...aapki bohat he meharbaani hogi...

  5. ismah_erum New Member

    bohat achi sharing hai

  6. spotlesssoul Well-Known Member

    \
    Ok Here i am converting it into Roman for you Behna[IMG]

    "Insaan ko jism ke ilava aik rooh bhi ataa kee gayee hay.Jism aur rooh aik doosray ki zid hain.Vo iss tarah ke jism ka ta'aluq duniya say hay aur rooh ka aakhirat sey.Jism faanee hay aur rooh gher-faani.Jism qabil-e-taqseem hay aur rooh na qabil-e-taqseem vaghera vaghera..Yehi wajah hay jo cheez jism main ta'meer-o-taraqee paida karti hay...issi say rooh takhreeb-o-tanazalee ka shikaar hoti hay.

    Jism ki parvarish kuch lenay se hoti hay tow rooh ki parvarish kuch denay se..Misaal key tour par agar aapko bhook lagee hay aur aapke paas aik hee roti hay.Agar yeh roti aap khud khaa lain gay tow iss say aapka jism parvaan charhay ga..aapki duniya achi ho gee.Laiken agar yehi roti eesaar kartey hoyee kissi doosre bhookay shaks ko khilaa dain gay tow iss say aapki rooh parvaan charhay gee aur aakhirat achi ho gee...

    Jism-o-rooh ki tafreeq ney noo-e-insaani ko shuru din se hee do grohoon main taqseem kiya hua hay.Aik group ma'een hay jinhain 'mada parast' kaha jata hay jab ke doosre group main Roohaneen hain jinhain Khuda parast kaha jata hay.

    Ma'een ka nazriya yeh hay key insaani jism hee asal cheez hay.Rooh ki koi haqeeqat nahin.Duniya he sab kuch hay.Aakhirat kuch bhi nahin.Insaan ka faida khanay main hay khilanay main nahin.Issliye insaan ko lena tow sab kuch chahiye laiken dena kuch nahin..

    Aur Rohaaneen ka aqeeda hay ke insaani rooh he asal cheez hay.Insaani jism ki koi ehmiyat nahi.Aakhirat he sab kuch hay duniya kuch bhi nahin..Insaan ka faida khilanay main hay khanay main nahin..Issliye insaan ko dena tow sab kuch chahiye par lena kuch bhi nahin..

    Ma'een ka aqeeda ho ya Rohaneen ka..Dono ke Quran ke khilaaf hain..Aval-az zikar ke baray main Quraan kehta hay...

    "Yeh log kehtay hain zindagee bas issi duniya ki zindagee hay..issliye hum paida hotay hain aur marr jatey hain..aur humaree maut zamanay ki gardish sey waqeh hoti hay..Unka yeh khiyaal ilm par mabnee nahin..Mehez zan-o-qayaas ka ita'baa hay."

    Aur saan-az-zikar ke baray main kehta hay...

    "Yeh maslak-e-rehbaaniyat khud inhee logon ka tarasheeda hay..Hum nay unhain iss maslak ka hukam nahi diya bulkay unhoon ne khud he apney torr hee issay Khudaye-e-khush noodi hasil karne ka zariya samajh iya hay."

    Quraan chahta hay insaan apni rooh aur jism dono ki parvarish karay yani duniya aur aakhirat dono ko bayaq'waqt nazar main rakhay...Kyunke quraan ki ro se duniya-o-aakhirat dono aik doosre ke liye lazim-o-malzoom hain..Issiliye tow Quran ke baqol duniya ka andha aakhirat ka bhi andha hota hay..

    Abb tak ki baat sey yeh tow tayh ho gaya kay insaan naam hay jism aur rooh ke majmoyay ka aur parvarish dono ki zaroori hay..Laiken savaal yeh paida hota hay ke dono ki parvarish aik waqt main kiss tarah kee jaye..?Kyunke jism ki parvarish kuch lenay se hoti hay aur rooh ki kuch denay se..Yani jism ko parvaan charhaya jaye tow rooh taqat waqr nahi ho saktee aur rooh ki taqviyat ka samaan kiya jaye tow jism kamzoori pakar sakta hay..Yeh wo raaz hay jo falsafiyoon par na khul saka aur nukta waroon se na hal ho saka..Laiken iss maslay ko quraan ne "Qul-il-afu" ke do lafzoon se yaksoo kar ke samandar ko koozay main band kar diya..Quraan kehta hay:

    " Aay Muhammad (SAW) yeh log poochtay hain hum kitna maal Allah ki raah main kharch karen.Inn say keh do inn ke paas inki zaroorat se ziyada jitna bhi maal hay(sab kharch kar dain) Issi tarah Allah apne ehkaan khool khool ke bayaan karta hay takay tum ghor-o-fikar karo aur soochoo ke kiss tarah tumhain duniya=o-aakhirat doino ki khush gavariyaan mill saktee hain."

    Yani insaan ko apne maal main se itnna hisa khud lena chahiye jitney ki ussay zaroorat ho takay isske jism main tameer-o-taraqee ho aur usski duniya achi ho jaye laiken baqi ka falaah-e-aam main kharch karna chahiye takay usski aakhirat sanvar jaye..Asaan lafzoon main agar humare paas aik roti ha

  7. spotlesssoul Well-Known Member

    I must acknowledge it Baray Bhaya[IMG]

    Pata hay..I myself am very much indulged in Rohaaniyat..but did not share anything kyunke main nahi jaanti thee ke agay se koi response millay ga ya nahin[IMG]

    Aur abb aatay hain topic ki taraf[IMG]

    First of all..I DISAGREE ke rooh aur jism aik doosre ki ZID hain..What i believe is kay har shay kissi na kissi programme ke saath takhleeq hoyee hay.Bila maqsad ya khel kood ke torr par koi bhi cheez vajood main nahi ayee..Aam torr par insaan ki dil chaspiyaan gosht post ke jism par markooz rehti hain.Jab kay gosht post ka jism insaan ka asal jism nahin..Asal insaan vo hay jo uss JISM ko MUTAHARIK rakhta hay aur isski hifaazat karta hay..

    Hum apne maadee jism ki hifazat ke liye libaas banate hain..Libaas khua kissi ka ho jab tak gosht post ke jisan par rehta hay iss main harkat hay[IMG] Libaas ki harkat jism ki tabeyh hay..Libaas main apni zaati koi harkat waqeh nahi hotee..Issi tarah jab koi aadmi marr jata hay tow libaas ki tarah isske ander bhi koi zaati harkat ya quwat-e-mudafiyat maujood nahi rehti..Hum gosht post ke jiss jism ko INSAAN kehtay hain wo insaan NAHIN bulkay asal insaan ka LIBAAS hay..

    Qudrat ney asal insaan se muta'arif karanay ke liye buhat se formolay banaye hain takay noy-e-insaani khud aagahee hasil kar ke apni asal se waqif ho jaye..Aur jesay kay yeh hadees bhi hay..

    "Jiss ne apne nafs ko pehchana uss ne goya apne Rab ko pehchana"..

    Nafs ki pehchaan khud agaahee ki janib pehla qadam hoti hay..aur wo ishq-e-haeeqi ki janib teyh kiya jana wala pehla marhala hota hay[IMG]

  8. darth vader New Member

    gud shearing momii

    duniyavi life sahi treeqay say guzaarna hi tau asl cheez hai

    gud work bedaagh rooh

  9. momii New Member

    thanx anoshi [IMG]

  10. momii New Member

    awww thats great Effort guriya [IMG]

    thanx for this na [IMG]

  11. momii New Member



    MASHALLAH Guriya buhat achi bataib likhi hain [IMG] sab se pehlay tu aap ko yahan dekh ker khoshi ho rahi hay [IMG]

    roh aur jism main jo tazad kaha gaya hay wo aisa nahi hay ke in main koee mustaqil takraoo rehta hay ya dono ki simt diff hain , asal baat samjhanay ke liyai ye ki gayee hai ke dono ki prefernces diff hain dono ki needs diff hain, dono ka daira kar diff hai, dono hi zaroori hain magar aik tawazun ke sath , roh ke chakar main jism ko chorna ya jisam ke chakar main roh ko ignore karna dono extremism hain , Islam aur Quran ki taleemat hamain dono ke dermian tawazun qayam karnay ka hukam deti hain aur yehi baat is article main samjhayee gayee hay

    mujhay yahan meray aik school teacher ki baat yad aa rahi hay , i was in 6th that time , he said , jism isi zameen se bana hay , yaheen ki miti hay , roh bahir se ayee hay , is dunya se mawara cheez hay , ab jism ki zaroriat isi duniya isi madiat se pori hongi , wo bhi zarori hay aur Roh ki zaroriat waheen se pori hongi jahan se wo ayee hay yani ehkamat-e-ilahi ki itaba'a karnay se ..ye bhi zarori hay ... momin wohi hay jo dono ki zaroraton ka khayal rakhta hay aur aitadal qayam rakhta hay

  12. momii New Member

    Thanks buddy [IMG]

  13. sarah_s New Member

    Salaamz....array wah...shukriya shoooooooo much my shweet shi siso jee....thnku thnku sho much na....


    u r great...kasam say...am so thnkful tou u for this translation....thnku shoooooooooooooooooooooo much na...[IMG]

  14. sarah_s New Member

    Omer bhaiyya...(momii)...bhaiyya great sharing...

    waqay he a great read...thnku for sharing

  15. darth vader New Member

    omer welcomes omer[IMG]

  16. tashfeen Former PKF Staff

    Nice sharing Omar bhayya[IMG]

    Thora sa ikhtilaf mujhy bhi ha, balky ikhtilaf toh nhi keh saktay, likin ik baat mery demagh mien aye

    Ik toh wohi Hira gurriya wali, k rooh aor jism zidd toh nhi hain ik dosray ki

    AOr dosri is baat ko samjhnay k lia is column mien jo example di gaye ha, uska rooh aor Jism wali baat sy directly koi taluq nhi ha....us baat ko in general "miyyana-rawi" mien toh quote kar saktay hain likin is Rooh aor Jism wali example mien nhi....

  17. spotlesssoul Well-Known Member

    Itsh okiee Bhaya[IMG]

    Meinki behna keh rahee theen tow meri duty bantee thee na[IMG]

    @ Omer Bhai...

    Thanx brother[IMG]

  18. spotlesssoul Well-Known Member



    JazakAllah Bhaya[IMG]

    Yehi tow main samjhanay ki kooshish kar rahee hoon bhaya ke ASAL jism yeh gosht post ka nahin bulke humaree rooh hain[IMG]Yeh jism bas humaree rooh ka libaas hay..Well jahan tak baat hay jism ko chor dena..tow shayad iss say muraad aap ka dunyavee zarooriyat-o-hajaat se qat'a ta'aluq kar lena hay[IMG]Yeh rehbaniyat kehlaye ga..kyunke hum bashri salahayatoon se mun morr lain gay laiken yeh tow nazria he ghalat he ke gosht post key libaas ko rooh ka naam day diya jaye[IMG]Aur rooh ko ignore karna

  19. spotlesssoul Well-Known Member



    I agree[IMG]

    Iss example se mayaana ravee ka tow sabaq milta hay magar rooh aur jism ke rishtay ko sahee se zahir nahi kiya gaya yahan[IMG]Aur doosri baat roohaniyat ka ilm bhi sahee se bayan nahi kiya gaya[IMG]

  20. sulmanpk New Member

    Nice sharing Omer Bhai. I think kehne ka basically muqsed yahi he key donon apni jagah ahem hain. Ap ek cheez ko tarek nahi ker saktey dusri key liye. Lekin yeh yad rehe key asel cheez apki rooh hai. Aur uski special care lazmi hai.


    And Well Said Hira, Tashfeen and Momi Bro. Mujeh directly itna knowledge nahi hai isilye discussion mein uterne se gureiz hi kerun ga [IMG]
    [/size]

Share This Page